İsrail ordusunun Qəzza zolağının şimalında mülki əhalinin toplaşdığı əraziləri və iki evi hədəfə aldığı hücumlarda biri uşaq, biri qadın olmaqla 11 fələstinli həyatını itirib.
"Operativ Məlumat Mərkəzi-OMM" xarici KİV-ə istinadən xəbər verir ki, şimaldakı Cibaliya bölgəsində fələstinli Nəsr ailəsinə məxsus ev İsrail döyüş təyyarələri tərəfindən hədəfə alınıb.
Hücum nəticəsində 4 fələstinli həyatını itirib, onlarla insan yaralanıb.
İsrail ordusuna məxsus pilotsuz uçuş aparatının (PUA) Cibaliyanın Nezle kəndinə təşkil etdiyi hücumda bir fələstinli ölüb, bir neçə nəfər isə yaralanıb.
Cibaliyyə Beled qəsəbəsində Ümri məscidi yaxınlığında toplaşan dinc əhalinin bombalanması nəticəsində 5 nəfər yaralanıb.
İsrailin Beyt Lahiyadakı Məslim ailəsinə məxsus evi bombalaması nəticəsində biri qadın və bir uşaq iki fələstinli həyatını itirib.
