Səudiyyə Ərəbistanının "Əl-Nəsr" klubunun ulduz hücumçusu Kriştiano Ronaldo Yaxın Şərqin ən yaxşı oyunçusu mükafatı uğrunda mübarizə aparacaq.
90deqiqe.Az xəbər verir ki, bu barədə "Globe Soccer Awards" məlumat yayıb.
39 yaşlı portuqaliyalının mükafat uğrunda rəqibləri aşağıdakı futbolçular olacaq: Salem Əl-Davsari, Murad Batna, Kaku (Əl-Ayn), Riyad Mahrez, Sergey Milinkoviç-Saviç və Sufyan Rəhimi.
Mükafat dekabrın 27-də Dubayda keçiriləcək mərasimdə təqdim olunacaq.
Qeyd edək ki, ötən il Ronaldo Yaxın Şərqin ən yaxşı futbolçusu kimi tanınıb. Kriştiano 2023-cü ilin yanvarından Səudiyyə Ərəbistanı çempionatında çıxış edir.
