ABŞ-ın yeni seçilmiş prezidenti Donald Trampın milli təhlükəsizlik üzrə müşaviri Mayk Vals bildirib ki, dövlət başçısı münaqişənin davam etdirilməsinin əleyhinədir və Rusiya və Ukraynanı danışıqlar masası arxasına çəkmək niyyətindədir.
HİT.az xəbər verir ki, bu barədə "European Truth" yazıb.
“Prezident hər iki tərəfi danışıqlar masası arxasına çəkmək istədiyini açıq şəkildə ifadə etdi. O, bütün diqqətini müharibəni davam etdirməyə yox, bitirməyə cəmləyib”, deyə Vals bildirib.
O, ABŞ-ın Ukrayna ilə bağlı təhlükəsizlik siyasətinin Donald Trampın konkret qərarlarından asılı olacağını vurğulayıb.
Bundan əvvəl ABŞ Dövlət Departamentinin Ukrayna üzrə keçmiş xüsusi nümayəndəsi Kurt Volker demişdi ki, ABŞ-da prezident seçkilərində qalib gələn Donald Tramp Vladimir Putinlə sövdələşmək niyyətində olduğu üçün onu şeytana salmaqdan çəkinir. Volker hesab edir ki, Trampın Putinlə bağlı tərifli açıqlamaları respublikaçıların dünya liderləri ilə danışıqlarda praqmatik taktikası ilə bağlıdır.
Samir
