Əhmədli metrostansiyasının qarşısında manatlıq deyilən taksilər dayanacağa daxil olub sərnişin düşürüb -mindirirlər... Bu da istər avtobus sürücüləri üçün, istərsə də sərnişinlər üçün problem yaradır...
Xezerxeber.az-ın xəbərinə görə, avtobus sürücüləri bildirdilər ki, xüsusilə sübh tezdən və günün pik saatlarında burada taksi sürücülərinin əlindən avtobus dayanacağına girmək çətin olur.
Sürücülər bildirirlər ki, bəzən burda cərimələr yazılır deyə, taxsilər saxlamır, amma bir müddət sonra yenə də eyni vəziyyət davam edir.
Sərnişinlər də belə halın onlara narahtlıq yaratdığını bildirdilər.
Məsələ ilə bağlı Bakı Şəhər Dövlət Yol polisi İdarəsindən “Xəzər Xəbər”ə bildirildi ki, inzibati xətalar məcəlləsinin 346.8-ci maddəsinə əssasən, ümumi istifadədə olan nəqliyyat vasitələrinin zolağında dayanmağa və durmağa görə 2 bal və 100 manat məbləğində cərimə tətbiq olunur.
Xezerxeber.az mövzu ilə bağlı daha ətraflı videomaterialı təqdim edir.
