"Real Madrid"in qapıçısı Tibo Kurtua keçən oktyabrın sonunda aldığı zədəsini sağaldıb.
90deqiqe.Az-ın “AS”a istinadən məlumatına görə, belçikalı qolkiper Los Blankosun son məşqində iştirak edib.
Bu o deməkdir ki, İspaniya Primerasının 14-cü turunda “Leqanes”lə qarşılaşmada 32 yaşlı oyunçunun meydanda görmək şansı çox realdır.
Bu qarşılaşma noyabrın 24-nə təyin edilib. Bu mövsüm Tibo "Real"ın heyətində bütün turnirlərdə 12 oyuna çıxıb və cəmi 10 qol buraxıb. O, ağır diz zədəsi səbəbindən keçən mövsümün demək olar ki, hamısını buraxmışdı.
