"BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası - COP29-da Medianın İnkişafı Agentliyi olaraq iştirakımızı bildirməkdən məmnunluq duyuruq".
Redaktor.az xəbər verir ki, bu barədə agentliyin feysbuk hesabındakı paylaşımda deyilir.
Qeyd olunub ki, tədbir çərçivəsində xarici media nümayəndələri üçün 15-22 noyabr tarixlərində mediaturlar təşkil olunacaq.
Bu səfərlərin məqsədi ölkəmizin tarix və mədəniyyət abidələrinin tanıdılması, həmçinin enerji mənbələri, bərpa olunan enerjiyə keçid, enerji səmərəliliyinə nail olunması istiqamətində görülən işlərin nümayişidir.
