Xorvatiya hökuməti Müdafiə Nazirliyinin müraciəti əsasında Türkiyə istehsalı olan 6 ədəd Bayraktar TB2 silahlı pilotsuz uçuş aparatının alınmasına qərar verib.
AZXEBER.COM xarici mətbuata istinadən xəbər verir ki, Xorvatiya hökumətinin bu gün keçirilən iclasında Xorvatiya Müdafiə Nazirliyi \"Baykar”ın istehsalı olan \"Bayraktar TB2” silahlı pilotsuz uçuş aparatının tədarükü ilə bağlı müraciəti təsdiqləyib.
Hökumətin iclasında çıxış edən Xorvatiyanın müdafiə naziri İvan Anusiç, Xorvatiya Silahlı Qüvvələrinin Bayraktar TB2 silahlı pilotsuz uçuş aparatlarının tədarükünə təcili və prioritet ehtiyac olduğunu bildirib.
Xorvatiyalı nazirin açıqlamasına görə, Xorvatiya alınacaq Bayraktar TB2 sistemləri üçün təxminən 86,4 milyon avro ödəyəcək.
Oksana
