19 yaşadək futzalçılardan ibarət Azərbaycan millisinin (U-19) Avropa çempionatının ilkin mərhələsində keçirəcəyi oyunların təqvimi açıqlanıb.
Arena.az bu barədə Azərbaycan Futzal Federasiyasının mətbuat xidmətinə istinadən xəbər verir.
Qeyd edək ki, Azərbaycan millisi Avropa çempionatının ilkin mərhələsinin B qrupunda mübarizə aparacaq. Bu qrupun qarşılaşmaları San Marinoda baş tutacaq. U-19 yığmamız noyabrın 25-də Kosovo ilə üz-üzə gələcək. Bir gün sonra isə millimiz meydan sahibləri ilə qarşılaşacaq.
Yalnız birinci yeri tutan komanda əsas mərhələyə vəsiqə qazanacaq və 7-ci qrupda Xorvatiya, Bosniya və Herseqovina, Türkiyə yığmaları ilə qarşılaşacaq. Oyunlar martın 25-30-da Xorvatiyada keçiriləcək.
Avropa çempionatının ilkin mərhələsi
B qrupu
24 yanvar
Kosovo – San Marino
25 yanvar
Azərbaycan – Kosovo
26 yanvar
San Marino – Azərbaycan
