Lənkəranda baş verən yol nəqliyyat hadisəsi nəticəsində bir nəfər xəsarət alıb.
Bizim.Media-nın yerli bürosu xəbər verir ki, hadisə Lənkəran-Boradigah-Masallı magistralının Girdəni kəndindən keçən hissəsində qeydə alınıb.
Minik avtomobilinin motosikletlə toqquşması nəticəsində motosikletin sürücüsü, 1990-cı il təvəllüdlü Kamran Faiq oğlu Quliyev müxtəlif dərəcəli bədən xəsarətləri alıb. Yaralı Lənkəran rayon mərkəzi xəstəxanasının təcili yardım şöbəsinə yerləşdirilib.
Hadisə ilə bağlı araşdırma aparılır.
Sabutay, Bizim.Media, Cənub bürosu
