Ağır çəki dərəcəsində mübarizə aparan 58 yaşlı amerikalı peşəkar boksçu Mayk Tayson videobloqer, 27 yaşlı Ceyk Polla keçiriləcək döyüşdən öncə insidentə səbəb olub.
Publika.az xəbər verir ki, baxış döyüşü zamanı Tayson Ceyki şillələyib.
Boksçular arasında döyüş səkkiz raunddan ibarət olacaq. Nəticə hər iki döyüşçünün peşəkar statistikasına hesablanacaq.
Taysonla Pol arasında döyüş noyabrın 15-dən 16-na keçən gecə Arlinqtonda (ABŞ) baş tutacaq.
Pol peşəkar boksda 11 döyüş keçirib, bu döyüşlərdə 10 qələbə (yeddisi nokaut) qazanıb və bir məğlubiyyətlə üzləşib. Tayson da öz növbəsində 44-ü nokautla olmaqla 50 qələbə qazanıb və altı məğlubiyyət alıb.
