“Klub sayının artırılmasına hazır deyilik”
İdmanxeber.az-ın məlumatına görə, bu sözləri “Milli Liqa TV” yutub kanalının “III zona” proqramında qonaq olan “Şamaxı” Futbol Klubu idarə heyətinin sədri Elçin Usub deyib.
İdmanxeber.az-ın məlumatına görə, klub rəhbəri bu fikrini infrastrukturla əlaqələndirib. O, bu məsələdə tək əsas komandanın oyunlarını keçirəcək stadionların yox, uşaq komandalarının məşq və oyun meydançaları ilə təmin olunmasının da nəzərə alınmasını dilə gətirib:
“Lisenziya tələbi ilə Premyer Liqaya yüksələn klublarda aşağı yaş qrupları mövcud olmalıdır. Onların da məşq etməsi üçün köməkçi meydançalar. Bütün bunları nəzərə alsaq, şəxsi qənaətimdir, biz say artımına hələ hazır deyilik”.
Proqram boyu müxtəlif sualları cavablandıran Usub UEC-in fəaliyyətinə və milli strategiyanın hazırlanmasına da toxunub.
