“Azərbaycanı COP29-u keçirmək hüququnu qazanması münasibətilə təbrik edirəm. COP29 yalnız Azərbaycan üçün deyil, bütövlükdə region üçün əhəmiyyətli bir tədbirdir”.
Bunu Moderator.az-a açıqlamasında Qlobal İqlim Gənclər Nümayəndəsi, "Belt and Road Initiative for Sustainable Development" (BRISD) Təşkilatının Prezidenti Qeysər Nəvab deyib.
Onun sözlərinə görə, belə bir mötəbər tədbirin keçirilməsi, Azərbaycanın iqlim dəyişikliyi ilə mübarizəyə sadiqliyini və qlobal dayanıqlı inkişaf gündəminin formalaşmasında mühüm töhfə verdiyini bir daha göstərmiş oldu:
“Azərbaycan, bərpa olunan enerji, təbii sərvətlərin qorunması və yaşıl iqtisadiyyat təşəbbüsləri sahəsində əhəmiyyətli irəliləyişlər əldə edib və COP29 bu nailiyyətləri nümayiş etdirmək, həmçinin iqlimlə bağlı çətinliklərə dair beynəlxalq əməkdaşlığı gücləndirmək üçün mühüm bir platforma olacaq”.
Pakistan üçün COP29-da iştirak etməyin böyük fürsət olduğunu deyən pakistanlı ekspert qeyd edib ki, iqlim dəyişikliyinin təsirlərinə qarşı çox həssas olan bir ölkə olaraq, Pakistan, qlobal tərəfdaşlarla təcrübələrini və qarşılaşdığı çətinlikləri paylaşmaqla yanaşı, Azərbaycanın innovativ enerji layihələrindən də öyrənə bilər:
“Pakistan, iqlim diplomatiyasının önündə gedən bir ölkə olaraq, itki və ziyan fondu və digər iqlim ədaləti tədbirlərinin tətbiqini müdafiə edib. COP29-un əməkdaşlıq ruhu, Pakistanın qlobal iqlim böhranına cavab vermək üçün qurduğu vizyonla tam uyğundur. Azərbaycanın Pakistanı enerji layihələrinə dəvət etməsi olduqca ümidverici bir inkişafdan xəbər verir. Enerji təhlükəsizliyi, hər iki ölkə üçün həyati əhəmiyyət kəsb edən bir prioritetdir və Azərbaycanın davamlı enerji layihələrindəki mütəxəssisliyi, ikitərəfli əməkdaşlıq üçün mükəmməl bir təməl təklif edir. Belə təşəbbüslərdə birgə iştirak, yalnız Pakistanın təmiz enerji mənbələrinə keçidinə kömək etmək deyil, eyni zamanda iki qardaş ölkə arasında strateji tərəfdaşlığı daha da möhkəmləndirə bilər. Mən bunu, hər iki tərəf üçün böyük iqtisadi və ekoloji faydalar açan çevik bir addım kimi görürəm”.
Azərbaycan-Pakistan əlaqələrinin qarşılıqlı hörmət, etibar və ortaq mədəni və tarixi əlaqələr üzərində qurulduğunu vurğulayan Qeysər Nəvab bildirib ki, ölkələr arasında münasibətlər daha da yüksək zirvələrə doğru irəliləyir.
“Hər iki ölkə həmişə bir-birinin yanında olub, bu tərəfdaşlıq indi bərpa olunan enerji, ticarət və dayanıqlı inkişaf kimi yeni və innovativ sahələrə doğru genişlənir. Əminəm ki, bu əlaqələr hər iki ölkə üçün uzunmüddətli rifah vəd edir və regional ittifaqların qlobal sabitlik və irəliləyişə necə töhfə verə biləcəyinə dair parlaq bir nümunə təşkil edir. Pakistan və Azərbaycan arasında gənclər arasında qurulacaq əlaqələrə xüsusi olaraq ümidliyəm, çünki bu əlaqələr gələcək əməkdaşlığın əsas təkanverici qüvvəsidir. COP29 kimi platformalar, nəsillər boyu davam edəcək dialoq və tərəfdaşlıqların inkişafına mühüm töhfə verir. Hər iki ölkəni, geniş münasibətlər qurma səylərinin bir hissəsi olaraq, insanlarlar arasında mübadilələrə, təhsilə və texnologiya paylaşımına davamlı olaraq investisiya qoymağa təşviq edirəm.
Nəticə olaraq, COP29 dünya üçün ümid və fürsət işığıdır. Bu, bütün ölkələrə iqlim dəyişikliyinə qarşı birləşmək, bərpa olunan enerjini qəbul etmək və dayanıqlı bir gələcək üçün əməkdaşlıq etmək çağırışıdır. COP29-un nəticələri digər ölkələrə nümunə olacaq və Pakistan - Azərbaycan əlaqələrini daha da möhkəmləndirəcək.
COP29-a hazırlıq prosesindəki inkişafı izləməyi və iki ölkəmizin əməkdaşlığının uğurlu nəticələrini görməyi səbirsizliklə gözləyirəm”.
Mehin Mehmanqızı
