Soyuq havalarda qış təkərləri mütləqdir. Ancaq bir çox sürücü bu təkərlərin daha tez köhnəldiyi qənaətindədir.
Redaktor.az-ın məlumatına görə, qış təkərləri daha yumşaq birləşmədən hazırlanır. Aşağı temperaturda belə yumşaqlığını qoruyur, elə buna görə də daha tez köhnəlir. İdeal olaraq, yalnız qar və buzda qış təkərlərindən istifadə etmək daha məqsədəuyğundur.
Sürətli aşınmada təkər materialına əlavə olaraq, avtomobilin asması da rol oynaya bilər. Buna görə də onun vəziyyətini mütəmadi olaraq yoxlamaq lazımdır. Odur ki, ildə bir dəfə avtomobili servisə aparmaq vacibdir.
Həmçinin təkərlərin düzülmə bucaqlarını yoxlamaq və avtomobilin yolda davranışına nəzarət etmək mütləqdir. Təkər yan tərəfə əyilirsə, tıqqıltı səsləri və digər qeyri-adi səslər çıxarırsa, asma ilə bağlı problem ola bilər.
Sevinc İBRAHİMZADƏ
