İsrail Baş Təhlükəsizlik Xidmətinin (Şin Bet) direktoru Ronen Bar ötən həftə sonu Türkiyəyə səfər edib.
Missiya.Az xəbər verir ki, bu barədə “Times of Israel” qəzeti məlumat yayıb.
Bildirilir ki, Bar Türkiyədə ölkənin milli kəşfiyyatının rəhbəri İbrahim Kalınla danışıqlar aparıb və onunla Qəzza zolağında atəşkəs danışıqlarının bərpası, girovların qaytarılması səyləri və Ankaranın yardımı imkanlarını müzakirə edib.
Bundan əlavə adı açıqlanmayan ərəb rəsmisi “The Times of Israel”ə bildirib ki, HƏMAS-ın yüksək vəzifəli şəxsləri hazırda Türkiyədədir.
Mənbə qeyd edib ki, noyabrın 18-də ABŞ Türkiyəyə HƏMAS rəhbərliyini qəbul etməməsi ilə bağlı xəbərdarlıq edib və Vaşinqtonun müttəfiqləri və tərəfdaşlarının terror təşkilatının liderlərini qəbul etməməsi lazım olduğunu vurğulayıb.
Daşqın HəsənovMissiya.Az
