2024-cü il noyabrın 16-da İsrail Baş Təhlükəsizlik Xidmətinin (Şin Bet) rəhbəri Ronen Bar Türkiyəyə gizli səfər edib və burada Türkiyə Milli Kəşfiyyat Təşkilatının (MİT) rəhbəri İbrahim Kalınla görüşüb.
“Ynet”-in köşə yazarı İtamar Ayxner xəbər verir ki, görüşdə Qəzza zolağında atəşkəs rejiminə dair danışıqların bərpası, girovların azad edilməsi üzrə səylər, həmçinin Türkiyənin bu proseslərdə vasitəçi kimi mümkün rolu müzakirə edilib.
Bu səfər İsrail və Türkiyə arasında regional təhlükəsizlik və sabitlik məsələlərində əməkdaşlığın vacibliyini vurğulayır. Əvvəllər Türkiyə dəfələrlə İsrail və Fələstin qrupları arasında münaqişədə vasitəçi kimi öz xidmətlərini təklif edib və hazırkı danışıqlar tərəflərin diplomatik həll yolları axtarmağa hazır olduğunu göstərə bilər.
Görüş həmçinin İsrailin münaqişənin həllinə çoxtərəfli yanaşma, əsas regional oyunçuları dialoqa cəlb etmək və regionda gərginliyi azaltmaq yollarını tapmaq istəyini əks etdirir.
Almaz Həsənli
