1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Beynəlxalq Atom Enerjisi Agentliyinin (MAQATE) Rəhbərlər Şurası bu həftə Qərbin anti-İran qətnaməsini qəbul etməsə, Tehran 60%-ə qədər zənginləşdirilmiş uran ehtiyatlarını daha da artırmaqdan imtina edə bilər.
Oxu.Az xəbər verir ki, bu barədə "Reuters" təşkilatın hesabatına istinadən məlumat yayıb.
Qeyd olunur ki, İran zənginləşdirməni dayandırmaq üçün artıq hazırlıq addımlarını atıb.
60%-ə qədər zənginləşdirilmiş UF6 ehtiyatları (uran heksaftorid) avqust ayından etibarən 164,7 kq-dan 182,3 kq-a yüksəlib. MAQATE-yə görə, 60%-ə qədər zənginləşdirilmiş 42 kq uran nəzəri cəhətdən daha zənginləşdirilməklə nüvə bombası yaratmaq üçün kifayətdir.
Məlumata əsasən, Tehran, həmçinin MAQATE-nin əlavə dörd müfəttişinin ölkəyə buraxılması imkanını nəzərdən keçirməyə razılaşıb.
