Birləşmiş Ştatlar qarşıdurma aparmaq və başqa ölkələri günahlandırmaq əvəzinə, Ukrayna münaqişəsinin həlli üçün digər dövlətlərlə birgə çalışmalıdır.
APA xəbər verir ki, bunu avqustun 30-da Çin Xalq Respublikasının BMT-dəki daimi nümayəndəsinin müavini Qen Şuan təşkilatın Təhlükəsizlik Şurasının Qərbin Kiyevə silah tədarükü ilə bağlı iclasında bildirib.
“Əgər həqiqətən də münaqişəyə son qoymaq istəyirsə, biz Vaşinqtona tövsiyə etmək istərdik ki, öz öhdəliklərindən yayınıb qarşıdurma yaratmaq əvəzinə, digər ölkələrlə, o cümlədən Çinlə güclərini birləşdirsin”, - Şuan vurğulayıb.
