Facebook-da istifadəçilərdən biri “Zəng etmişəm MSK-a, kameradan canlı yayım müşahidəsi üçün yayımlar niyə açılmır məntəqələrdə? Deyir, bilmirəm” status paylaşmışdır. 42 saylı Sumqayıt birinci seçki dairəsi üzrə qeydə alınan namizəd həmin statusu re-post edərək: “Bəzi məntəqələrdə yerləşdirilən canlı yayımla müşahidə kameralarından yayımlar açılmır. MSK zənglərdə gərəkli açıqlamanı vermir. Sumqayıtda ən önəmli məntəqələrdə kamerayla nəzarət mövcuddur. Yayımın açılmaması biabırçılıqdır”-yazıb.
Faktyoxla Lab. bu faktı dəqiqləşdirib.
Bütün ölkə coğrafiyasını əhatə edən 1000 seçki məntəqəsində səsvermə günü birbaşa və fasiləsiz müşahidə etmək üçün veb-kamera quraşdırılıb. Trend xəbər verir ki, bu gün səhər saatlarından keçirilən brifinqdə Mərkəzi Seçki Komissiyasının (MSK) sədri Məzahir Pənahov çıxışında deyib.
Sonuncu prezident seçkilərində bildirilmişdi ki, veb-kameralar saat 07:30-dan seçki prosesi bitənədək işləyəcək.
Bu xəbəri paylaşan istifadəçi isə məlumatı saat 07:20-də paylaşdığı görünür.
42 saylı Sumqayıt birinci seçki dairəsində veb-kameralar quraşdırlan məntəqələrin siyahısı: 7,9,18,27,32, 35,41 mənbə
Bunlar isə həmin dairədə veb-kameralar quraşdırılan məntəqələrdən qeydə alınan görüntülərdi:
Nəticə:
Məntəqələrdə veb-kameraların işləməməsi ilə bağlı yayılan məlumat saxtadır.
