Niderland hökuməti gələn il müdafiə xərclərini 10 faizdən çox artıracaq.
ILK.AZ Azərtac-a istinadən xəbər verir ki, hökumətin məqsədi yeni təhlükə və təhdidlər qarşısında gücünü möhkəmləndirməkdir.
Müdafiə xərcləri 2,4 milyard avro artırılacaq, nəticədə illik büdcə təxminən 24 milyard avro təşkil edəcək.
“Görünə bilər ki, biz sülh şəraitində yaşayırıq, amma bu, artıq belə deyil. Biz hər gün hücuma məruz qalırıq - rəqəmsal sistemlərimiz, universitetlərimiz, şirkətlərimiz, limanlarımız, elektrik şəbəkələrimiz. Bizi daim izləyirlər və hücumların sayı artır”, - deyə müdafiə naziri Ruben Brekelmans bildirib.
Uzun illər ərzində sərt qənaətdən sonra iqtisadiyyatın stimullaşdırılması, NATO müttəfiqlərinin 10 il əvvəl bu həddi razılaşdırdıqdan sonra ilk dəfə olaraq müdafiə xərclərini ÜDM-in minimum 2 faizi səviyyəsinə çatdırmağa imkan verir.
Hökumət bildirib ki, əlavə büdcə ordunu 10 ildən artıq müddətdə ilk dəfə tanklarla təmin etməyə və onu F-35 qırıcı təyyarələrinin, yeni Hərbi Dəniz Qüvvələrinin freqatlarının, helikopterlərin, pilotsuz təyyarələrin, hava hücumundan müdafiə sistemlərinin və sursatların alınmasına yönəldəcək.
Mənbə: AZƏRTAC
