Alzheimer xəstəliyini tətikləyən daha bir fakt ortaya çıxıb.
Bakupost.az xəbər verir ki, ABŞ-nin Rush Universitetinin tədqiqatçıları ölkənin 48 ştatında apardıqları araşdırmalar nəticəsində Alzheimer xəstəliyi ilə bağlı mühüm nəticəyə gəliblər.
Araşdırma "Frontiers in Neuroscience" jurnalında dərc olunub.
Gecələr açıq havada süni işıqlara məruz qalmanın xüsusilə 65 yaşdan aşağı olanlarda Alzheimer xəstəliyinə tutulma riskini artıra biləcəyi aşkar edilib.
Tədqiqatçılar Alzheimer xəstəliyinin gecələr süni işığın mövcud olduğu bölgələrdə daha çox olduğu qənaətinə gəliblər və süni işığın bədənin bioloji saatını və yuxu rejimini poza biləcəyini və idrak qabiliyyətinin azalmasına səbəb ola biləcəyini müəyyənləşdiriblər.
Açıq havada süni işığa məruz qalmaq 65 yaşdan aşağı insanlarda Alzheimer xəstəliyi riskini spirt istifadəsi, xroniki böyrək xəstəliyi və piylənmə kimi digər faktorlardan daha çox artırır.
Gecələr məruz qalan süni işığın mənfi təsirlərini azaltmaq üçün qaranlıq pərdələrdən və ya göz parçalarından istifadə etmək tövsiyə edilib.
Elnur
BakuPost
