Ekvadorun ən böyük həbsxanasının direktoru silahlı hücumda öldürülüb.
"Unikal" xarici KİV-ə istinadən xəbər verir ki, Guayaquil liman şəhərindəki məşhur Litoral cəzaçəkmə müəssisəsinin direktoru Maria Daniela Icaza yolda silahlı hücuma məruz qalıb.
O, xəstəxanaya aparılarkən dünyasını dəyişib, hadisə zamanı onunla birlikdə həbsxana xidmətinin əməkdaşı da yaralanıb.
Ekvador həbsxanaları dünyanın ən təhlükəli həbsxanalarıdır və onların çoxu narkotik dəstələri tərəfindən ələ keçirilib.
Ekvador prezidenti Daniel Noboa güclü bir cinayət rəhbərinin həbsxanadan qaçması nəticəsində yaranan amansız zorakılıq dalğasından sonra "daxili silahlı münaqişə" elan etdiyi yanvar ayından həbsxanalar hərbi nəzarət altındadır.
Icazanın ölümü Amazoniyanın Sucumbios əyalətindəki həbsxananın rəisi Aleks Gevaranın da avtomobillə səyahət edərkən silahlı hücumda öldürülməsindən doqquz gün sonraya təsadüf edir.
Naməlum şəxslərin onun maşınına atəş açması nəticəsində onunla birlikdə olan daha iki işçi yaralanıb.
Gülayə Mecid
