ABŞ-da Demokratlar Partiyasından prezidentliyə namizəd Kamala Harris ikinci sui-qəsd cəhdindən sonra respublikaçı rəqibi Donald Trampa zəng edib.
ILK.AZ Azərtac-a istinadən xəbər verir ki, bu barədə Ağ evin mətbuat xidməti məlumat yayıb.
Məlumata görə, Harris və Tramp səmimi, qısa söhbət ediblər. Harris ABŞ-ın keçmiş prezidentinə “onunla hər şeyin yaxşı olduğuna sevindiyini” deyib.
Daha əvvəl Tramp bildirib ki, bazar günü ona qarşı yeni hücumun səbəbi Prezident Co Bayden və vitse-prezident Kamala Harrisin ritorikası olub.
Mənbə: AZƏRTAC