Xəstəxana müdiri passiyentləri imkanlı və imkansızlara ayırır? Azəraycanda səhiyyə müəssisələrində digər tibbi xidmətlərlə yanaşı, qadınların hamiləlik dövründə və ondan sonrakı müddətdə müayinəsi, uşağın dünyaya gətirilməsi qanunla pulsuz olsa da, bu prosedurları keçmək üçün rüşvət tələb olunur. Elə bu səbəbdən də qadınların çoxu hamiləlik dövründə qadın məsləhətxana-larına getmirlər. Tibb müəssisələrində rüşvət faktoru Azərbaycan ailələrində uşaqların xəstəlik və fiziki qüsurlarla doğulmasına da təsir göstərir. BMT Əhali Fondu mütəxəssislərinin qənaətinə görə, ölkədə hamiləlik və doğuş zamanı baş verən neqativ halların qarşısını almaq üçün tədbirlərin görülməsinə ciddi ehtiyac var. Bunun üçün hamilə qadınlar müt-ləq tibbi və genetik müayinələrdən keçməlidirlər.Görəsən hamilə qadınlarımızı qadın məsləhətxanalarından yan qaçmağa məcbur edən səbəb doğurdan-mı rüşvət faktorudur?Əldə etdiyimiz məlumata görə, 2 saylı Qadın Məsləhətxanasında Yeganə Babayeva "qanunları" hökm sürür. Bu qanunlara görə 2 saylı Qadın Məsləhətxanasına müraciət edən vətəndaşlar imkanlı və imkansızlar qrupuna ayrılır. Belə ki, imkanlı passiyentlərə şəxsən Yeganə xanımın tapşırığı ilə ən yüksək səviyyədə xidmət göstərilir. Ancaq imkansız passiyentlər isə saatlarla həkim qəbulunda, müayyinələrdə gözləməli olurlar.Fim.az-a daxil olan məlumata görə 2 saylı Qadın Məsləhətxanasında imkanlı hamilə xanımlar üçün müayyinələr o qədərdə ucuz deyil. Beynəlxalq standartlara görə, hamilə qadınların bu müddətdə müayinələrdən keçməsi üçün həkimə müraciət sayının ən azı 9 dəfə olmasını nəzərə alsaq, xərc 9 dəfə böyüyür. Belə ki, passiyentlərə göstərilən yüksək səviyyəli qulluğun xərci heçdə özəl klinikalardan fərqlənmir. Bu isə o anlama gəlir ki, Yeganə Babayevanın 2 saylı Qadın Məsləhətxanasından əldə etdiyi qazanc o qədərdə pis deyil. Məlumata görə Yeganə Babayevə 2 saylı Qadın Məsləhətxanasının baş həkimi vəzifəsinə keçəndən sonra yaxşı imkanlara sahib olub. Mövzuya qayıdacağıq. Qarşı tərəfin mövqeyini verməyə hazırıq.
