İsveçin xarici işlər naziri və ədliyyə nazirini daşıyan təyyarə Türkiyəyə gedərkən texniki nasazlıq səbəbindən Stokholma qayıdıb.
Editor.az axar.az-a istinadən xəbər verir ki, bu barədə İsveç Xarici İşlər Nazirliyi məlumat yayıb.
Məlumata görə, İsveçin xarici işlər naziri Mariya Malmer Stenerqard və ədliyyə naziri Qunnar Strommer Türkiyə rəsmiləri ilə Stokholmun NATO-ya üzv olmaq üçün Ankaranın təsdiqini təmin etmək məqsədilə razılaşdırılmış təhlükəsizlik paktını müzakirə etmək üçün ilk görüşlərini keçirməli idilər.
Türkiyə və İsveç rəsmiləri arasında keçirilməli görüş təxirə salınıb. Görüş üçün yeni tarix elan ediləcək.
