Rusiya milli futbol komandası FİFA reytinqində 33-cü yerdən 34-cü yerə enib.
Yenilənmiş versiya təşkilatın saytında dərc olunub.
Komandanın aktivində 1508,73 xal var.
Sentyabrda Rusiya yığması yoldaşlıq görüşündə Vyetnam yığmasını məğlub edib (3:0). Ruslar da Tailandla oynamalı idilər, lakin tayfun səbəbindən görüş ləğv edildi.
Xatırladaq ki, FİFA və UEFA Rusiya komandalarının beynəlxalq turnirlərdə iştirakını dayandırıb. Belə ki, milli komanda artıq 2022-ci il dünya çempionatını və 2024-cü il Avropa çempionatını buraxıb, həmçinin 2026-cı il dünya çempionatının seçmə oyunlarında iştirak etmir.
Daha əvvəl bildirilirdi ki, Rusiya komandası Uruqvay yığması ilə 2025 və ya 2026-cı illərdə oynaya bilər.
Mənbə RİA Novosti
