İsrail Hərbi Hava Qüvvələri sentyabrın 19-da axşam saatlarında Livanın cənubuna bir sıra irimiqyaslı zərbələr endirib.
Yeniavaz.com xəbər verir ki, bu barədə ordunun mətbuat xidməti məlumat yayıb.
Məlumata görə, iki saat ərzində “Hizbullah” hərəkatının 100-ə yaxın atıcı qurğusu və digər infrastruktur obyektləri hücuma məruz qalıb.
Ordunun bildirdiyinə görə, zərbələrin hədəfi olan raket buraxılış sistemlərində 1000-ə yaxın mərmi olub və onlar İsrail ərazisinə atəş açmağa hazır olublar.
Mətbuat xidməti qeyd edib ki, Hərbi Hava Qüvvələrinin qırıcıları bu zərbələri Hərbi Kəşfiyyat İdarəsi və İsrail Müdafiə Qüvvələrinin Şimal Komandanlığı ilə koordinasiyalı şəkildə həyata keçirib.