Heç bir düşmən İran torpaqlarını işğal etməyə cəsarət etməz.
Korrespondent.az yerli KİV-ə istinadən bildirir ki, bunu Prezident Məsud Pezeşkian İran ordusunun hərbi parad mərasimində çıxışı zamanı deyib.
“Bu gün biz bütün dünyaya qətiyyətlə bəyan edirik ki, ölkəmizi qorumaqla yanaşı, islam ölkələrinin birliyi sayəsində regionumuzda sülh və təhlükəsizliyi qoruyub saxlaya, şərəf və qürurumuzu bütün dünyaya göstərə bilərik.
Bu birlik sayəsində biz qəsbkar, qaniçən və cinayətkar, qadına, kişiyə və uşaqlara aman verməyən İsrailin qarşısını ala bilərik. Əgər biz bir olsaq və gücümüzü birləşdirsək, İsrail cinayətlərini davam etdirə bilməyəcək”, - deyə İran Prezidenti vurğulayıb.
