London İmperial Kollecinin britaniyalı alimləri mövcud materiallardan zədələnmiş ətraflar üçün breketlərin yaradılmasına dair təlimatlar hazırlayıblar.
HİT.az "The Guardian"a istinadən xəbər verir ki, bu cür qurğular təbii fəlakət və ya müharibə zamanı zədə nəticəsində qolun və ya ayağın itirilməsinin qarşısını ala bilər.
İxtiraçıların sözlərinə görə, onlar adi avadanlıqlardan istifadə etməklə ən sərfəli materiallardan tibbi cihazların istehsalına imkan verəcək bələdçi hazırlamaq istəyiblər.
Mütəxəssislər əzilmiş sümüyü bir yerdə saxlayan, yaraların sağalması və ətrafı xilas etmək şansı verən quruluş yaradıblar. Bunu etmək üçün bir neçə paslanmayan polad çubuq və müəyyən miqdarda alüminium lazımdır.
Tədqiqatçılar qeyd edib ki, infeksiya riskini azaltmaq üçün fiksator sümüyə sancaqlar vasitəsilə bərkidilir və xaricdə qalır.
Alimlər həmçinin tutucuların hazırlanması üçün alət dəsti yaradıblar. Onların ixtirası texnologiyanı təkmilləşdirmək üçün Keniya və Ruandada sınaqdan keçirilir.
Samir
