Filadelfiya, Detroit və Atlanta hakimiyyətləri Respublikaçı Donald Trampın seçki məğlubiyyətini tanımaqdan imtina etməsindən sonra baş verən "2020-ci il xaosu"nun təkrarlanmasının qarşısını almağa çalışır...
Poliqon xəbər verir ki, bu barədə Reuters Agentliyi yazıb.
Agentlik qeyd edir ki, bu və yelləncək ştatlarının digər şəhərlərində hakimiyyət seçkilər ərəfəsində dezinformasiyaya, konspirasiya nəzəriyyələrinə və mümkün zorakılığa hazırlaşır.
Filadelfiyada səslərin sayıldığı yer üstü tikanlı məftillərlə örtülmüş hasarla əhatə olunub. Detroit və Atlantada bəzi seçki məntəqələri güllə keçirməz şüşə ilə qorunur. Filadelfiya, Detroit və Atlanta Pensilvaniya, Miçiqan və Corciya ştatlarında yerləşir. Yelləncək ştatları prezidentlik yarışının qalibini əvvəlcədən proqnozlaşdırmaq çətin olan ştatlardır.
Viskonsin ştatında səsvermə işçilərinə gərginliyin azaldılması üsulları öyrədilir. Məntəqələrin özləri elə qurulub ki, işçilər etirazçılar tərəfindən təhdid olunarsa, oranı tərk etmək imkanı əldə edirlər. Arizona ştatında yerli məmurlara dezinformasiyaya necə reaksiya vermələri izah edilir.
Seçki rəsmiləri Reuters-ə bildiriblər ki, onların ən böyük qorxusu, namizədlərin təxminən bərabər sayda səsə malik olacağı səsvermədir. Bundan sonra seçkinin nəticəsi az sayda mübahisəli bülletenlər üzrə məhkəmə çəkişməsindən asılı olacaq.
Reuters-in məlumatına görə, Respublikaçı müşahidəçilər səsverməni "aqressiv şəkildə yoxlamaq üçün təlim keçiblər" və onlardan bəziləri hələ də cənab Trampın 2020-ci ildə məğlubiyyətini tanımırlar.
Poliqon.info
