BMT Təhlükəsizlik Şurasına bir aylıq sədrlik Təhlükəsizlik Şurasının daimi üzvü olan Böyük Britaniyaya keçib.
KONKRET.az xatırladır ki, oktyabr ayında BMT Təhlükəsizlik Şurasına İsveçrə sədrlik edib.
Bu gün Nyu-York vaxtı ilə saat 13:00-da BMT-nin mənzil-qərargahında Böyük Britaniyanın BMT-dəki daimi nümayəndəsi Barbara Vudvord tərəfindən mətbuat konfransı keçiriləcək və bu konfransda dünya təşkilatının əsas strukturunun görüşlərinin proqramı jurnalistlərə açıqlanacaq.
Böyük Britaniyanın rəhbərliyi ilə Təhlükəsizlik Şurasının ilk iclaslarından birinin noyabrın 4-də bazar ertəsi keçiriləcəyi istisna edilmir. BMT-dəki mənbənin cümə axşamı TASS-a verdiyi məlumata görə, Böyük Britaniya, Malta, Sloveniya, ABŞ, Fransa, Cənubi Koreya və Yaponiya Şimali Koreyanın raket buraxılışı ilə bağlı BMT Təhlükəsizlik Şurasının noyabrın 4-də iclasının keçirilməsini xahiş ediblər.
Eyni zamanda, gözlənilir ki, noyabr ayı ərzində BMT Təhlükəsizlik Şurası üzvlərinin iclaslarının əsas mövzusu ənənəvi olaraq Yaxın Şərqdə, xüsusən də Qəzza zolağında və İsrail-Livan sərhədindəki vəziyyətlə bağlı olacaq. Ümumilikdə, BMT Təhlükəsizlik Şurası bir ay ərzində 20-yə yaxın açıq iclas və qapalı məsləhətləşmələr keçirəcək.
