Minlərlə cadugər və savadsız molla saxlanılıb
Demokrat.az xəbər verir ki, bu barədə RİA Novosti məlumat yayıb.
Genişmiqyaslı basqın ritual və okkultizm ənənələrinin yayılmasına qarşı yönəlib. Basqına səbəb Tacikistan prezidenti Emoməli Rəhmonun ölkədə xurafatların getdikcə genişlənməsindən narahatlığı olub. O hesab edir ki, bunlar cəmiyyətə mənfi təsir göstərir və onun inkişafına mane olur.
Respublikada, o cümlədən paytaxtda falçı və cadugərlərin xidmətləri son dərəcə populyardır. Hakimiyyət təkcə onlarla deyil, uyğun dini təhsili olmayan mollalarla da mübarizə aparır.
İnzibati məcəlləni pozan və oxşar fəaliyyətlə məşğul olanları 270 dollardan 340 dollara qədər cərimə gözləyir. Bu məbləğ ölkədəki orta əmək haqqını (70 dollar) xeyli üstələyir. Cinayətkar yenidən cinayət törətsə, cərimə 680 dollara qədər artacaq.
Bundan əlavə, cadugərliklə məşğul olanlar üçün altı ayadək məcburi əmək növündə cəzanın tətbiqi nəzərdə tutulur.
Əfsanə Kamal
Demokrat.az
