Zaqatalada yeni doğulan körpə ölüb.
Ucnoqta.az APA-ya istinadən bildirir ki, ölüm faktı Zaqatala Rayon Mərkəzi Xəstəxanasının (RMX) Doğum şöbəsində qeydə alınıb.
Rayonun Yengiyan kənd sakini 24 yaşlı Sahibə Sahib qızı Məmmədova doğuş sancıları ilə oktaybrın 31-i səhər saat 9 radələrində Doğum şöbəsinə daxil olub.
S. Məmmədovanın APA-ya verdiyi məlumata əsasən, elə həmin gün səhər saat 10 radələrində şöbənin növbətçi mama-ginekoloqu olan Sədaqət həkim tərəfindən müayinə olunub. Həkimin göstərişi ilə ona doğuşu gücləndirmək üçün iynə vurulub.
Noyabrın 1-i gecə saat 03:50-də S. Məmmədova təbii doğuşla oğlan uşağı dünyaya gətirib. Doğuşdan sonra S. Məmmədovaya uşağın vəziyyətinin normal olduğunu deyiblər. Lakin uşağın ağlamadığını görən ana yenidən vəziyyəti barədə məlumat alanda ona körpənin ürək döyüntülərinin zəif olduğunu bildiriblər.
Daha sonra isə anaya uşağın ölməsi barədə məlumat verilib.
S. Məmmədova bildirib ki, oktyabrın 14-də Zaqatala RMX-da ultrasəs müayinəsindən keçib, ona hamiləliyin normal olduğu deyilib.
USM müayinəsi aparan həkim ona noyabrın 5-də doğuş üçün xəstəxanaya müraciət etməyi tövsiyə edib.
Faktla bağlı araşdırma aparılır.
