Xaçmazda avtomobilin körpüdən çaya düşməsi nəticəsində ölən şəxslərin adları məlum olub.
“Report”un Şimal bürosunun məlumatına görə, “BMW” markalı minik avtomobilinin körpüdən aşaraq “Ağçay” çayına düşməsi nəticəsində sürücü 1991-ci il təvəllüdlü Bayramov Vüsal Tahir oğlu və onun sərnişini 1983-cü il təvəllüdlü Mənsumov Samir Pirverdi oğlu dünyasını dəyişiblər.
Hadisə ilə bağlı araşdırma aparılır.
01:24
Xaçmaz rayonunda yol qəzası baş verib.
“Report”un Şimal bürosunun məlumatına görə, “BMW” markalı minik avtomobili rayon ərazisindən keçən “Ağçay” çayına düşüb.
İlkin məlumata görə, minik avtomobilində olan iki nəfər dünyasını dəyişib.
Hazırda onların kimliyi dəqiqləşdirilir.
Faktla bağlı araşdırma aparılır.
