Bakıda intihara cəhd edilib.
FHN-dən Modern.az-ın sorğusuna cavab olaraq bildirilib ki, xilasedicilər tərəfindən intihara cəhd edən şəxslə ünsiyyət qurulub və davamlı psixoloji söhbət aparılıb.
"Bu müddət ərzində xilasedici qrup tərəfindən ərazidə müvafiq təhlükəsizlik tədbirləri görülüb. Xilasedicilərin vətəndaşla apardığı psixoloji söhbət nəticəsində intihar etmək niyyətindən çəkinib və o, xilas edilərək aidiyyəti üzrə təhvil verilib", - açıqlamada bildirilir.
***
10:01
Bakıda intihara cəhd edilib.
Modern.az-ın məlumatına görə, ad-soyadı bilinməyən bir nəfər “Koroğlu” stansiyası yaxınlığındakı asma körpüyə çıxaraq özünü atmaq istəyib.
Hadisə ilə əlaqədar əraziyə polis əməkdaşları və FHN-in Xüsusi Riskli Xilasetmə Xidmətinin xilasediciləri cəlb olunublar.
Hazırda FHN-in qüvvələri tərəfindən intihara cəhd edən şəxsin xilasetmə əməliyyatı həyata keçirilir.
