Premyer Liqa klublarının ikinci komandaları arasında keçirilən Əvəzedicilər Liqasında 13-cü tura yekun vurulub.
Arena.az xəbər verir ki, sonuncu oyun günündə daha iki qarşılaşma baş tutub.
Hər iki oyunda qapılara 4 qol vurulub. Bunlardan birində meydan sahibləri, digərində isə qonaqlar 3:1 hesablı qələbəyə seviniblər.
“Səbail”lə “Turan Tovuz”un əvəzediciləri arasındakı görüş qonaqların inamlı qələbəsiylə yekunlaşıb. “Sabah”ın ikinci komandası da “Kəpəz”in əvəzediciləri ilə ev oyununda oxşar nəticəyə imza atıb.
Bu nəticələrdən sonra “Neftçi-2” 32 xalla liderliyini qoruyub. “Turan Tovuz”un ikinci komandası 31 xalla ikinci, “Sabah-2” isə 22 xalla üçüncüdür.
Əvəzedicilər Liqası
13-cü tur
9 noyabr
“Qarabağ-2” – “Zirə-2” 1:1
Hakimlər: Nicat İsmayıllı, Şirmamed Mamedov, Gülnurə Əkbərzadə, Nazim Abdullayev.
Hakim-inspektor: Ramil Diniyev.
AFFA nümayəndəsi: Elçin Mehtiyev.
Bakı. “Azərsun Arena”, 14:00.
“Şamaxı-2” – “Neftçi-2” 0:3
Hakimlər: Rauf Allahverdiyev, Kərim Zeynalov, Anar Bədəlov, Rəsul Babayev.
Hakim-inspektor: Munis Abdullayev.
AFFA nümayəndəsi: Bəhram Qurbanov.
Şamaxı şəhər stadionu, 15:00.
“Araz-Naxçıvan-2” – “Sumqayıt-2” 0:1
Hakimlər: Elçin Məsiyev, Pərvin Talıbov, Orxan İbişov, Niyaz Əhmədov.
Hakim-inspektor: Asim Xudiyev.
AFFA nümayəndəsi: İlham Əliyev.
Bakı. “ASK Arena”, 16:00.
10 noyabr
“Səbail-2” – “Turan Tovuz-2” 1:3
Hakimlər: Əkbər Əhmədov, Kamran Bayramov, Asif Abdullayev, Vüqar Həsənli.
Hakim-inspektor: İmanxan Sultani.
AFFA nümayəndəsi: Erkin Hüseynov.
Bakı. “Bayıl Arena”, 15:00.
“Sabah-2” – “Kəpəz-2” 3:1
Hakimlər: Rəşad Əhmədov, Eyyub İbrahimov, Elşad Abdullayev, Şamil İmanzadə.
Hakim-inspektor: Babək Quliyev.
AFFA nümayəndəsi: Eldəniz Musayev.
Bakı. “ASK Arena”, 16:00.
