Ruud van Nistelroy "Mançester Yunayted"dən ayrılıb.
Publika.az xəbər verir ki, "qırmızı şeytanlar" onun gedişi ilə bağlı açıqlama yayıb. Nistelroy Erik ten Haq istefaya göndəriləndən sonra müvəqqəti baş məşqçi vəzifəsində çalışıb. Onun rəhbərliyi altında “qırmızı şeytanlar” 4 oyun keçirib, 3 qələbə və 1 heç-heçə ediblər.
Bundan başqa, məşqçi Rene Hakke, qapıçılar üzrə məşqçi Yelle ten Ruvelaar və analitik Peter Morel də MY ilə vidalaşıb. Yeni baş məşqçi Ruben Amorim Ruudla yanaşı onlarla da çalışmaq istəməyib.
“Nistelroy “Mançester Yunayted” əfsanəsi olub və həmişə belə olacaq. Biz onun töhfəsinə və klubda işlədiyi müddətdə öz roluna yanaşma tərzinə görə minnətdarıq. O, həmişə "Old Trafford"da çox xoş qonaq olacaq”, - deyə klubun rəsmi saytında əfsanənin gedişi ilə bağlı açıqlama verilib.
