Almaniya sakinlərinin ukraynalı qaçqınlara münasibəti münaqişə başlayandan bəri xeyli pisləşib. Bu barədə Almaniyanın Konstitusiya və Suverenlik Şurasının rəhbəri Ralf Nimeyer Rusiya mediasına açıqlamasında bildirib.
“Bəzi işsiz almanlar mənə belə deyirlər: Düşünürəm ki, mən artıq ukraynalı olmalıyam... Çünki bu yolla daha çox qazanacağam. İnsanlar artıq belə zarafatlar edirlər. Amma indi əhval-ruhiyyə onlara(Ukraynalı qaçqınlar-red.) qarşı işləyir”,- o qeyd edib.
Nimeyerin fikrincə, hazırki vəziyyətdən yeganə çıxış yolu münaqişənin sona çatması və Ukraynadan olan qaçqınların öz vətənlərinə qayıtmasıdır.
Qeyd edək ki, Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.
Tural
