“Səbail” artıq Cavid Hüseynovu təqdim etdi. Yeni baş məşqçi ilə ikiillik müqavilə imzalanıb. Sabah mütəxəssis komanda ilə ilk məşqə çıxacaq və brifinq də keçirəcək. Hazırda çətin dönəmdən keçən “dənizçilər” turnir cədvəlindəkli yerinə görə elitanı tərk etməyə iki namizəddən biridi. Belədə Hüseynovun komandanı dirçəltməsi heç də asan olmayacaq. Bəs azarkeşlər gənc mütəxəssisdən nə tələb edir?
“Dənizçilər” fanklubunun rəhbəri Atif Rüstəmli “Football-plus.az”a belə cavab verdi: “Biz üç namizəd fikirləşirdik ki, onlardan biri - Cavid Hüseynov seçildi. Bu təyinatdan məmnunuq. Ümid edirik ki, nəticələr gələr. Gəncdi, Tovuzda Berdıyevin yanında təcrübə keçib. Fikrimcə, gənc kadrlara üstünlük vermək lazımdı. Təcrübə birdən-birə olmur. İki il Şahin Diniyev klubda idi. 3-cü il oldu və bir şey yox idi. Gənc məşqçidi, biz də dəstək olacağıq. Nəticələrdən aslı olmayaraq, arxasında duracağıq. Sabah açıq məşq olacaq. Biz də orda olub, Hüseynovla görüşəcəyik”.
RÖYANƏ OĞUZ
