İlon Mask və Vivek Ramasvami federal xərclərin effektivliyinə nəzarət edəcək yeni dövlət qurumuna birgə rəhbərlik edəcəklər.
Azpost.info bildirir ki, bu barədə ABŞ-ın yeni seçilmiş prezidenti Donald Tramp bəyan edib.
Tramp yeni agentliyi Hökumətin Effektivliyi Departamenti (DOGE) adlandırıb.
“Birlikdə bu iki böyük amerikalı mənim administrasiyasıma hökumət bürokratiyasını dağıtmaq, lazımsız qaydaları ixtisar etmək, israfçı xərcləri azaltmaq və Amerikanı xilas etmək hərəkatı üçün vacib olan federal agentlikləri yenidən strukturlaşdırmaq üçün yol açacaq” -deyə Tramp yazıb.
“Mən Elon və Vivekin bütün amerikalıların həyatını yaxşılaşdırarkən səmərəliliyə diqqət yetirmək üçün federal bürokratiyaya dəyişiklik gətirməsini səbirsizliklə gözləyirəm” -deyə Tramp vurğulayıb.
Seçki kampaniyası zamanı Tramp dünyanın ən zəngin adamı olan, Tesla, SpaceX və X sosial şəbəkəsinin sahibi Mask üçün federal hökumət vəzifəsi yaradacağını bildirib.
“Bu, dövlət xərcləri ilə məşğul olan bütün insanlar üçün şok olacaq. Ya hökuməti səmərəli edəcəyik, ya da Amerika müflisləşəcək”, – Mask deyib.
