İsveçin gender bərabərliyi naziri Paulina Brandberq banandan qorxur. İsveç rəsmilərinə gender bərabərliyi nazirinin getdiyi yerlərdə banan olmaması tövsiyə olunur.
Sfera.az gender bərabərliyi naziri Paulina Brandberq banana qarşı güclü fobiyadan əziyyət çəkir. Buna görə də, hər hansı bir ziyarət və ya qəbul zamanı bu meyvələrin çıxarılması xahiş edilir.
Jurnalistlər xanım Brandberqin səfəri zamanı bütün bananların çıxarılmasının zəruriliyini göstərən bir neçə e-məktub əldə ediblər.
Nahardan əvvəl Norveç Ədliyyə Agentliyinə göndərilən elektron məktubda deyilir:
"Paulina Brandberqin banana qarşı ciddi allergiyası var, ona görə də onun olduğu ərazilərdə banan olmasaydı, biz minnətdar olardıq".
Sorğunun cavabı təsdiq edilib.
Brandberqin komandasından mahalın inzibati şuralarından birinə göndərilən başqa bir elektron məktubda bananların binalara gətirilməməsi ifadə edilib.
Üçüncü məşhur məktub İsveç parlamentinin spikeri Andreas Norlenə ünvanlanıb. Onun ofisinin üzvlərindən xahiş olunub ki, xanım Brandberqin səfəri zamanı banandan əsər-əlamət qalmasın.
Nazirin özü jurnalistlərə verdiyi şərhdə həqiqətən bu meyvəyə bir növ allergiyası olduğunu bildirib. O əlavə edib ki, həkimlərdən peşəkar yardım alır.
Brandberq mətbuata açıqlamasında:
"Bunun bir növ allergiya olduğunu deyə bilərsiniz"-deyə bildirib.
Media həmçinin qeyd edib ki, nazir 2020-ci ildə “X” (Twitter) səhifəsində banan fobiyası ilə bağlı xəbərlər yayıldıqdan sonra silinmiş kimi görünən bir neçə paylaşımda banan fobiyası olduğunu etiraf edib.
Brandberq 11 sentyabr 2020-ci il tarixli bir yazısında:
"Mənim bananafobiyam var" - deyə etitaf edib. 6 avqust 2020-ci il tarixli başqa bir yazısında o, bunun “dünyanın ən çılğın fobiyası" olduğunu bildirib.
Jurnalistlər qeyd edirlər ki, bananafobiya rəsmi olaraq xəstəlik kimi təsnif edilmir. Bununla belə, bildirilir ki, qida qorxusu Xəstəliklərin Beynəlxalq Təsnifatına uyğun olaraq spesifik, təcrid olunmuş fobiyalar kimi təsnif edilməlidir.
Aysel
