SEPAH-ın Qüds qüvvələri və İranın Sistan və Bəluçistan əyalətinin Kəşfiyyat İdarəsi silahlı qruplaşmalara qarşı keçirdiyi birgə əməliyyat zamanı üç SEPAH zabiti öldürülüb, bir neçəsi isə yaralanıb.Missiya.Az xəbər verir ki, bu barədə “Halvəş” teleqram kanalı məlumat yayıb.
Bildirilib ki, əyalətin Sərbaz-Rask şəhərləri arasında keçirilən əməliyyat zamanı adıçəkilən bölgələrdə yollar 10 saat müddətinə bağlanıb. İranın rəsmi qurumları birgə əməliyyatın bölgədə fəaliyyət göstərən silahlıların zərərsizləşdirilməsi məqsədi ilə başladıldığını bildirsələr də, itkilər barədə məlumat verilməyib.
Zərintac MayisqızıMissiya.Az
