Qəzza zolağına humanitar yardım aparan BMT maşınlarına atəş açılıb. Qətərin “Əl-Cəzirə” telekanalının məlumatına görə, hücum nəticəsində 3 sürücü yaralanıb.
Qeyd olunur ki, Fələstin anklavının mərkəzi hissəsində BMT-nin humanitar yardım karvanına hücum edilib. Cənub sərhədindən Deyr əl-Bələh şəhərinə doğru hərəkət edən 20 yük maşınından 14-ü atəşə tutulub və onların daşıdıqları ərzaqlar oğurlanıb.
Ötən il oktyabrın 7-də Fələstin radikal HƏMAS hərəkatının yaraqlılarının Qəzza zolağından İsrail ərazisinə soxulmasından, sərhəd yaşayış məntəqələrinin sakinlərinin öldürülməsi və əsirlərin girov götürülməsindən sonra Yaxın Şərqdə vəziyyət kəskin şəkildə pisləşib. Buna cavab olaraq İsrail Qəzzada HƏMAS-ın hərbi və siyasi strukturunu məhv etmək və oğurlananların hamısını azad etmək məqsədi ilə əməliyyata başlayıb.
Oxuməni.az
