Polşanın şərqində yerləşən Lyublin şəhərində tikinti işləri zamanı İkinci Dünya müharibəsindən qalmış partlamamış aviasiya bombası aşkar edilib. Bu səbəbdən şəhərin altı küçəsindən 3 000 sakin təxliyə olunub.
Bakuinfo.net-in "Polsat" telekanalına istinadən verdiyi məlumata görə, təhlükəli hərbi sursat ötən axşam tapılıb. İstehkamçılar bomba ətrafında təhlükəsizlik zonası yaradıblar və bu gün səhər saatlarında şəhər rəhbərliyi ərazidə yaşayanları təhlükəsizliyə görə evlərindən köçürüb.
Hazırda mütəxəssislər mərminin zərərsizləşdirilməsi əməliyyatına hazırlaşırlar. Təhlükəsizlik tədbirləri çərçivəsində bütün proses diqqətlə izlənilir.
