"Bizə lazım olan sadəcə futbol meydançası və topdur"- Estoniya millisinin futbolçusu

"Bura qələbə qazanmaq üçün gəlmişik. Komanda olaraq oyuna hazırıq. Ümid edirəm ki, sabah istədiyimiz nəticəni əldə edəcəyik".

QOL.az xəbər verir ki, bu sözləri Estoniya millisinin üzvü Maksim Paskoçi Millətlər Liqasının 5-ci turunda sabah Azərbaycana qarşı keçirəcəkləri matçdan öncə təşkil olunan mətbuat konfransında deyib. 

O, görüş haqqında fkirlərini bölüşdükdən sonra jurnalistlərin suallarını cavablandırıb. 

- Qəbələdə oynamağın futbolçulara mənfi təsiri olacaq?

- Bizə lazım olan sadəcə futbol meydançası və topdur. Bunun bizə təsir edəcəyini düşünmürəm.

- Azərbaycan millisindən hansısa oyunçunu tanıyırsınız?

- Mən üzərimə düşəni etmişəm, rəqibin hücumçularını təhlil etmişəm. Bundan daha önəmli olan komanda olaraq düzgün müdafiə olunmağımızdır.

• Futbol
• Matç
• QÉ™lÉ™bÉ™
• Estoniya
• MillÉ™tlÉ™r Liqası
• Maksim Paskoçi