“Klub sayının artırılmasına hazır deyilik”. Bu sözləri “Milli Liqa TV” yutub kanalının “III zona” proqramında qonaq olan “Şamaxı” Futbol Klubunun İdarə Heyətinin sədri Elçin Usub deyib.
Klub rəhbəri bu fikrini infrastrukturla əlaqələndirib. O, bu məsələdə tək əsas komandanın oyunlarını keçirəcək stadionların yox, uşaq komandalarının məşq və oyun meydançaları ilə təmin olunmasının da nəzərə alınmasının gərəkliliyini dilə gətirib: “Lisenziya tələbi ilə Premyer Liqaya yüksələn klublarda aşağı yaş qrupları mövcud olmalıdır. Onların da məşq etməsi üçün köməkçi meydançalar. Bütün bunları nəzərə alsaq, şəxsi qənaətimdir ki, biz say artımına hələ hazır deyilik”.
Proqram boyu müxtəlif sualları cavablandıran Usub UEC-in fəaliyyətinə və milli strategiyanın hazırlanmasına da toxunub.
