"Qərbin uzaqmənzilli raketlərinin Rusiya ərazisinə hücumlarına Moskvanın cavabı adekvat və hiss edilən olacaq. Kiyevin bu cür silahlardan istifadə etməsi münaqişənin mahiyyətini kökündən dəyişəcək".
"Unikal" xəbər verir ki, bunu Rusiya Xarici İşlər Nazirliyinin sözçüsü Mariya Zaxarova bildirib.
“Kiyevin ərazimizə hücum etmək üçün uzaqmənzilli raketlərdən istifadə etməsi ABŞ və onun peyklərinin Rusiyaya qarşı hərbi əməliyyatlarda birbaşa iştirakı münaqişənin mahiyyətində və bu halda Rusiyanın reaksiyasında köklü dəyişiklik yaradacaq", - deyə Zaxarova qeyd edib.
Zaxarova onu da qeyd edib ki, icazə ilə bağlı şayiələrin rəsmi mənbələrə əsaslanıb-əsaslanmadığı məlum deyil.
XİN sözçüsü qeyd edib ki, Ukrayna prezidenti Volodimir Zelenskinin dua etdiyi heç bir “möcüzə silahı” hərbi əməliyyatların gedişatına təsir göstərə bilməyəcək.
