Almaniya XİN-dən soydaşlarına MÜRACİƏT – “Mümkün qədər Livanı tez tərk edin”

Almaniya Xarici İşlər Nazirliyi Livanda yaşayan almanlara müraciət edərək mümkün qədər oranı tez tərk etmələrini xahiş edib.

Bizim.Media xarici KİV-ə istinadən xəbər verir ki, Almaniya Xarici İşlər Nazirliyi Həmas siyasi bürosunun sədr müavini Saleh əl-Arurinin Beyrut ətrafında öldürülməsindən sonra İsraillə münaqişənin kəskinləşməsi riski fonunda almanlardan mümkün qədər tez Livanı tərk etmələrini xahiş edib.

“Regionda təhlükəsizlik vəziyyəti son dərəcə qeyri-sabitdir. Hazırda Livan və İsrail arasında sərhəd bölgəsində hərbi toqquşmalar təkrarlanır. Bu, hər an arta bilər”, - XİN-in açıqlamasında bildirilir.
Bir gün əvvəl Hizbullah əl-Arurinin Beyrut ətrafında öldürülməsini Livana hücum və onun suverenliyinə hücum kimi qiymətləndirdiyini bildirib.

Bizim.Media