ABŞ Mərkəzi Komandanlığı (CENTCOM) terror təşkilatının uzantısı olan Suriya Demokratik Qüvvələri (SDQ) ilə birgə həyata keçirilən əməliyyatda DEAŞ liderlərindən Xalid Əhməd əl-Dəndalın (Xalid Əhməd Əl Dandal) ələ keçirildiyini açıqlayıb.
Turkustan.az xəbər verir ki, ABŞ-ın Yaxın Şərqdəki hərbçilərinə cavabdeh olan CENTCOM açıqlamasında bildirib ki, ələ keçirilən İŞİD liderinin Suriyadakı Rakka İstintaq Təcridxanasından qaçdıqdan sonra İŞİD terrorçularına kömək etdiyi qiymətləndirilib.
Açıqlamaya görə, DEAŞ lideri Sentyabrın 1-i səhər saatlarında CENTCOM qüvvələri və terror təşkilatı PKK/YPG-nin davamı olan Suriya Demokratik Qüvvələri (SDQ) ilə birgə həyata keçirilən əməliyyatda ələ keçirilib.
CENTCOM-un açıqlamasında bildirilir ki, avqustun 29-da həbsdə olan 5 İŞİD üzvü, ikisi rus, iki əfqan və bir liviyalı Rakka İstintaq Təcridxanasından qaçıb.
Açıqlamaya görə, onlardan ikisi SDQ tərəfindən əsir götürülüb. Qaçan digər 3 DEAŞ üzvünün tutulması istiqamətində işlərin davam etdiyi bildirilib.
"DAEŞ-in əsas məqsədi saxlanılan döyüşçülərin azad edilməsini və DEAŞ-ın dirçəldilməsini təmin etməkdir. CENTCOM qüvvələri SDG ilə koordinasiyada gələcəkdə mümkün qaçış təhlükələrinin təsirini azaltmağa və DEAŞ-ın daimi məğlubiyyətini təmin etməyə davam edəcək. "
Eltac Zülfüqaroğlu/Turkustan.az
