Qazaxıstanlı mütəxəssislər sanksiyalara baxmayaraq, Fransanın "Thales” və "Safran” şirkətlərinin avadanlıqlarından istifadə edərək Rusiyanın Su-30SM təyyarələrinə xidmət göstərir.
Qaynarinfo xəbər verir ki, bu barədə "İnform Napalm”ın araşdırmasında bildirilir.
Qazaxıstanın "ARC Group” şirkəti Rusiya hərbçiləri ilə əməkdaşlıq edir və Fransanın "Thales” və "Safran” şirkətlərinə məxsus aviasiya avadanlıqlarının quraşdırıldığı Rusiyanın Su-30SM təyyarələrinə xidmət göstərir.
Bildirilir ki, 2024-cü ilə kimi Rusiyada 130 ədədə qədər modernləşdirilmiş Su-30SM qırıcıları var. Müharibə zamanı rusiyalılar bu təyyarələrdən ən azı 15-ni itiriblər.
Hesabatda göstərilir ki, Rusiya Federasiyası sanksiyalara görə daha çox təyyarə itirə bilərdi, belə ki, Su-30SM təyyarələri xarici istehsalı, əsasən də Fransanın "Thales” və SAGEM şirkətlərinin (daha sonra "Safran”) avionikalarından istifadə edir. Təyyarənin istismarını davam etdirmək üçün avadanlıqlara daim texniki qulluq göstərilməlidir.
Cihazlara yalnız eyni avadanlıqdan istifadə edən istehsalçı tərəfindən sertifikatlaşdırılmış mütəxəssislər tərəfindən xidmət göstərilə bilər. Genişmiqyaslı işğaldan sonra Rusiyanın bu cür imkanlara çıxış imkanını itirdiyi iddia edilir, lakin Rusiya tərəfi Qazaxıstan podratçısında sanksiyalardan yayınmaq üçün əla kanal tapıb.
Qazaxıstan "Analyst Research Consulting Group" Məhdud Məsuliyyətli Cəmiyyəti 2014-cü ildə yaradılıb. Saytda qeyd edildiyi kimi, "Şirkət Safran Electronics & Defence şirkətinin Qazaxıstan Respublikası və Qırğızıstan Respublikasındakı eksklüziv distribütörüdür və Safran məhsullarını bu ölkələrdə təbliğ edir”.
Məhsulların əsas müştəriləri dövlət qurumları və hüquq-mühafizə orqanlarıdır. Hələ 2021-ci ilin oktyabrında "ARC Group” Rusiyanın "Aviasiyanın xüsusi komponentlərlə təmiri, texniki xidməti, təchizatı" (Rosaviaspetskomplekt MMC) şirkəti ilə ilk müqavilə bağlayıb.
Qeyd olunur ki, müqavilənin predmeti belə formalaşdırılıb: Fransızlar tərəfindən sertifikatlaşdırılmış mütəxəssislərə və avadanlıqlara malik Qazaxıstan tərəfi Rusiyanın Su-30 təyyarələrində fransız avadanlıqlarının təmirini həyata keçirməlidir.
Üstəlik rusiyalılar xidmətlərin tam tsiklinin - qazaxıstanlı mütəxəssislərin Fransada təlimi və sertifikatlaşdırılmasından tutmuş, lazımi avadanlıqların fransızlardan alınmasına qədər - təmin edilməsini ödəyirlər.
Nizami Bağırov
