“Taliban” hökumətinin yeni sərəncamı ilə qadınlara qarşı daha bir məhdudiyyət tətbiq olunub. Xüsusilə, qadınların mağazadan nəsə alarkən satıcılarla sövdələşməsi qadağan edilib.
Hafta.az-ın “Hashte Subh Daily”a istinadən yazdığına görə, “Taliban” iddia edir ki, qadınlar satıcılarla sövdələşəndə onların səsi “kişiləri şirnikləndirə” bilər.
“Taliban”ın fikrincə, qadınlar danışmadan və qiymət sövdələşməsi etmədən alış-veriş etməlidirlər.
Əxlaq polisinin yeni qanunlarını tətbiq etmək üçün zorakılıq və repressiyaları gücləndirdiyi deyilir. Vətəndaşlar qanunun icrasından ciddi narahat olduqlarını bildiriblər. Bildirilir ki, bu, zülm, qisas, repressiya və geniş yayılmış sui-istifadə mühiti yaradacaq. “Taliban” qadınların əlcək taxmalı və üzlərini tamamilə örtməli olduqlarını vurğulayıb.
